星期六, 5月 28, 2005

[博落豬格]香港電台有關blog的節目與網上身份

以下為今天小豬和豬爸icq 對話
豬爸:你個Friend都有blog 喎http://www.bloggers.com.hk/cmm/
小豬:(其實正在回覆該blog)我當然知道啦,你今日睇蘋果?
豬爸:佢前兩日上電台講佢個blog嘛。
小豬:網上電台?
豬爸:唔係呀,香港電台呀!

結果就在港台的節目重溫找到這個無火主席節目,而林子揚的電話訪問在第二節節目的第五分半鐘開始。

其實小豬一直沒有把自已寫blog的事告訴家人,所以聽到家人溜覽自已有留言的blog 的心情簡直非筆墨所能形容。到底,豬爸會否有一天誤打誤撞之下找到豬欄呢?

另外原來香港電台早前還報導了Blogger聯署行動,想收聽的話可以到這裡,第三十六分鐘開始。很可惜,大家聽完可能會很激動。

13 則留言:

Alex 說...

我聽了,反應是:「有無搞錯?!?!」

胡世杰這次實令我太失望了!

Wilson 說...

所以「本週網友心水歌曲選擇」是「別怪她〔他〕」嘛! ^_^

沒有甚麼值得激動的,新事物要讓大眾接受的確需要很長時間。另一方面,我們也無法強求所有人都對blog有同樣的理解罷。

JL 說...

我都無同家人或同事講自己有blog. 除左一個有blog既同事.

JL 說...

聽完, 嘩, 講最多野0個位係邊位? 即係話自己以為"網誌係網上雜誌"0個位. 無知得好緊要.

佢係覺得因為網上日記比Blog易於令人理解, 所以就話用網上日記係無問題.

呢個諗法就好似:
牛奶係比益力多更易於令人理解, 所以益力多應該叫"牛奶"

Unknown 說...

節目播出時封聯署信仲draft緊,佢剩係聽講有甘?事,又唔知詳細情形,以為聯署D人扮高深歧視用Blog寫日記D人,所以聽少少就大發議論。(因為聽佢口氣有"你地好叻咩?"的意味)激動?個,其實係佢:)

匿名 說...

甘都比你知道.... 你地豬豬一族真利害!

Wilson 說...

>牛奶係比益力多更易於令人理解,
> 所以益力多應該叫"牛奶"

呢個比喻好「正」!

匿名 說...

講最多野講0個位就係胡世杰即係同曾美華cable做節目主持個位. 識小小扮代表既代表. 另外果個應該係阿dom, 資深Blogger亦係第一代internet人, 技術界, linux界亦常見到佢.(不過佢之前唔知咩原因話唔再寫blog,之後寫返都只係寫返的技術性既post)

匿名 說...

當日我只是想提起這事讓大家知道什麼是 Blog,但是我也想不到主持的意見是這麼的激呢。

個人來看,基於只在節目報導事件的立場,我沒有加上意見。

pig 說...

亞Dom 呀…

當另外個主持咁激,但係又一知半解既時間係應該要糾正佢某部分既野架…

匿名 說...

當佢講完時,時間已經唔夠了。其實我只係一個月先上去一次的客席嘉賓主持,所以佢有佢的看法,始終個節目係佢的,而於我來說我只能報導新聞而已,一直以來我都好小會講出自己的立場,有機會你可以聽番我做的幾次便知。我個人覺得做節目客觀好重要。

Anyway,因各方因素之下,我應該唔會再做呢個節目了。

pig 說...

亞Dom,
我嚮外國,所以真係好少聽…係唔覺意先發現果集節目。
哎喲,如果你唔做咁邊個去糾正返個主持?=.="

匿名 說...

其實我同另一個主持都有同佢解釋過。不過佢個人接唔接受我地的講法,唔係我地可以控制的。