[豬扒推介]迫新郎朗讀的愛的宣言

早前朋友結婚，邀請了我當姊妹。當姊妹的最大職責當然是在新郎接新娘時大玩特玩新郎以及一班兄弟啦，呵呵呵！
除了有成功令其中一名兄弟要跑到廁所吐的特製雪糕（A:綠茶Wasabi雪糕 B:榴槤雪糕）以外，最令人拍案叫絕的活動可以說是迫新郎大聲朗讀以下這兩個由互聯網上找到的愛的宣言。

愛的宣言

給 至愛的老婆大人XXX：

我愛(新娘名字) 情不變
一生為奴無怨言
買餸煮飯我做先
洗衫拖地我都掂
每月人工俾晒妳
我D零用由妳俾
名牌任買隨得妳
最緊要係妳歡喜
唔嫖唔賭唔食煙
篤波賭馬問你先
生仔生女隨得妳
請埋工人去幫妳
生生世世陪住妳
總之我由今日起
生命裡面只有妳
立下此誓永不變
(新娘名字)、 (新娘名字)、 我 愛 妳
(新娘名字)、 (新娘名字)、 我 愛 妳!!!

一生一世愛妳一個既老公仔：

簽 署 : ____________________________
日期 : ____________________________

夫妻 ”恩愛” 相處六大原則



1.老婆絕對唔會犯錯

2.如果發現老婆有錯, 一定係我睇錯.

3.如果我無睇錯, 一定是因我既錯先令老婆犯錯.

4.如果係老婆自己的錯, 只要佢不認錯, 佢就沒有錯.

5.如果老婆唔認錯, 我仲堅持佢有錯, 咁係我既錯.

6.總之, 老婆絕對唔會有錯, 呢句話絕對唔會錯.

愛你一生一世的老公


簽署: ___________________

新人的一位家人在新人敬茶時對新郎說：「就算你一生都做錯，不過我敢肯定你今日選這個老婆係絕對無錯！」
我想這句應加進去成為第七個原則。